Diadomingo 25 di januari a celebra Dia di Betico den gran forma. Miles di persona a acudi na Cede di MEP desde 10or di mainta te 9or anochi. Tabata tin actividad pa tur edad, 16 stand di cuminda crioyo, torneo di mini football y domino. Tambe tabata tin un dino-jump pa nos muchanan por a goza y presentacionnan cultural di canto, baile y poësia hopi bunita. Ambiente total cu musica di banda DURO y Tsunami cu a atrae hopi hende.
E parti cu mas a conmove esnan presente tabata e desvelo di e cuadra grandi di e 3 lidernan, Betico Croes den feliz memoria, Nel Oduber y Evelyn Wever-Croes. Pa e momento special aki tabata presente e yiunan di Betico, Nel y su famia, y Evelyn y su famia. Den Cede di MEP a pasa e pelicula documentario di Betico Croes, cu a emociona e centenares di hende cu a mira e documentario. Hasta esnan cu conoce e storia di Betico hopi bon, a keda impresiona.
Partido MEP ta mira atras riba un celebracion grandi y ta gradici comunidad henter pa a contribui na exito di esaki.
