Mientras cu e enfoke principal di Aruba Tourism Authority (ATA) ta riba Latino America y Europa pa contraresta un posibel caida for di Merca, e mercado Canades ta bou di observacion. Ronella Croes, CEO di ATA, a menciona cu tin oportunidad den e mercado Canades, mirando cu e Canadesnan ta biaha menos pa Merca. Aunke no tin un paso proactivo tuma ainda, ATA ta siguiendo e desaroyonan di cerca y lo considera accion si ta necesario pa stimula crecemento di turismo for di Canada, manteniendo e strategianan existente.
