Pa tur cu gusta lesa y colecta buki, biblioteca ta organisa su Mercado di buki, di dialuna dia 2 pa dia 6 di november. Esaki lo ta habri di 8or y mey di mainta pa 4or di y mey di atardi.
Biblioteca Nacional Aruba (BNA) ta invita un y tur pa su Mercado grandi di buki. Tin un gran variedad di buki segunda mano, hopi storia y informacion. Pa adulto y mucha. Por busca trankilamente pa e bukinan perfecto y cumpra na 1 florin. Pasa gosa cu famia y amigo den un bon ambiente y relaha un rato y yena bo tas cu bon buki. Tin algo pa tur gusto y interes.
