A yega na nos mesa di redacion cu Mervin Wyatt Ras ta mal contento cu e number cu Mike Eman kier ofrece riba lista di AVP. Esaki despues cu famia di Mervin pa aña nan largo a haci donacionnan cuantioso na Mike Eman y AVP.
Ta parce cu awo si Mervin y su famia a fada di e maltrato cu Mike Eman y AVP a dune pa hopi aña. Mervin nunca a wordo balora y nunca a haya un number prominente riba e lista, apesar di miles di florin cu nan ta contribui cune na partido, segun fuentenan ta indica.
Banda di esaki ta conoci tambe cu Mervin ta esun cu semper tey na reunionnan, ta esun cu ta trata di defende tur e engañonan y mal gobernacion di Mike Eman. Pero tur esaki en vano! Apesar cu Mike de Meza y Arthur Dowers nunca tey, toch nan ta haya numbernan mas prominente riba lista.
Te hasta dos candidato nobo, ambos cu tin vehinculo cu ex ministernan di AVP cu ta condena y / of sera, lo haya un number mas chikito cu Mervin. Y ta netamente esaki tawata e druppel cu a yena e emchi pa
Mervin y famia.
Ta di wak con Mike Eman lo bay atende cu esaki e siman aki. Ta conoci cu Mike Eman y AVP ta move pa placa, manera tawata e caso ora cu Rincon a duna Mike Eman hopi placa, 50 mil dollar pa ta exacto!
Y ta netamente tur esaki a haci cu famia di Mervin no ta compronde dikon Mervin no ta wordo balora siendo cu nan ta contribui masha hopi mes na Mike Eman y AVP.
