Tur scritura ta inspira pa Dios,y ta util pa sinjansa,pa reprendemento,pa coreccion,pa educa den husticia . Pa e hende di Dios por ta perfecto educa den tur bon obra.
Nos ta bibando den un tempo, manera a wordo e wordo scirbi for di den pasado, y cu Cristo Hesus a spierta nos cu ta temponan dificil.( Mateo 24).
Awendia hende kier scucha solamente locual ta bon, pero hende ta ninga coreccion cu por saca nan for di scuridad y trece nan riba e caminda di berdad.
Manera bijbel ta bisa , nan kier scucha cosnan cu ta kishiki nan orea, y nan ta busca hendenan cu ta papia locual nan kier scucha.
Apostol Pablo a scirbi di temponan y trabahoso den cual hende lo bira stimado di nan mes, nan lo wak nan propio interes, nan lo ta stimado di placa, mas bien stimado di placer cu stimado di Dios.
Si nos ripara bon, hasta mayornan ya no ta coregi nan yiu manera antes, nan ta ocupa den nan trabao y cosnan di bon bida. y enemigo ta husa negligencia di mayor pa asina mucha nan por cay bao di dominio di scuridad for di chiki y asina pone muchanan trompica y haci cosnan cu no ta cumbini.
Proverbionan 12:1 ta para scirbi: Esun cu stima disiplina ta stima conocemento, ma esun cu ta odia reprendemento ta bobo.
Dios semper ta disiplina esnan cu e ta stima, pesey displina ta bon pa nos crecemento, fisico, mental, y spiritual.
Awendia hende ta keda sin disiplina nan yuinan , pa despues tira e falta riba gobierno y politica.
Ta hopi problema di salud mental nos tin awendia, pa falta di disiplina, pa falta di coreccion, pa falta di educacion, y awor bo ta hanja hende man na cabes, pa locual nan no a cumpli cune ora emucha tabata chikito.
Horea cu ta scucha reprendemento di bida, lo biba meymey di sabinan.
Esun cu ta neglisha disiplina ta despresia su mes alma, ma esun cu ta scucha reprendemento ta atkiri conocemento.
E temor di senjor ta instruccion pa sabiduria, y prome cu honor ta bini humildad.( Proverbionan 15:31-33).
Ma e Spirito ta bisa claramente cu den e ultimo temponan algun lo cay for di Fe, door di paga atencion na spiritonan enganjoso, y doctrina di demonjo, pa medio di hipocresia di ganjadornan , kende nan mes consenshi ta kima como si fuera ta cu hero cayente.( 1 Timoteo 4:1-2).
Nos tur ta mirando, cu si un mayor no ta repende y coregi su yiu ora e haci algo malo, e mayor ey no ta responsabel, y si continua asina e ta bira complice di e mucha su bagamunderia.
Senjor, Bo wowo no ta busca berdad? Bo a suta nan, ma nan no a sinti,Bo a caba cu nan , ma nan a nenga coreccion, nan a haci nan cara mas duro cu piedra, nan no kier repenti.
Awendia nos ta confronta cierto hende cu ta asina cabesura, cu nan ta bay contra, boluntad y principio di Dios, y caba nan ta pretende cu Dios ta robes, cu e palabra di Dios no ta bon y cu nan tin rason, y cu tur hende cu no ta di acuerdo cu nan ta contra nan.
Ay di e stad rebelde y contamina, e stad tiranico. E no a paga tino na ningun bon, e no a acepta instruccion. E no a confia den Senjor,e no a hala serca su Dios.( Sofonias 3:1-2).
Tur hende kier bendicion, pero poco hende kier coreccion, hende kier biba manera nan kier, sin respet pa Dios.
Sinceramente, Pastor Marcel Balootje
