Ayera Fundashon ” Kòrsou na kaminda pa libertat” a duna un rueda di prensa pa motibu di nan lantamentu ofisial.
Presidente di e fundashon sr. Hubert Cristina a bisa ku e fundashon a lanta pa tuma pasonan hudisial i otro pasonan huridiko pa jega na un derecho di outodeterminashon manera ankra den e “Handvest” di Nashonnan Uni (NU) pa asina kaba ku e trabou di Tula i Doktór.
E secrtario, ku ta sr. Dionisio Brison a bisa ku fundashon ta e ruman spiritual di “Fondation Pro-Soualiga”.
Aki e la elabora riba e kuater kosnan ku tin ku wordu elimina for di statut ku ta inlegal pa Kòrsou ta liber manera N.U. ta bisa.
Nr. 1 N.U. tin problema ku e asuntu di gobernadó i ta bisa ku mester elemina e funshon di Gobernadó.
Nr. 2 Artikulo 44 di statut ta bisa ku gobiernu hulandes mester duna permit pa kambia konstitushon of su sistema legal. N.U. a bisa ku esaki no por den un pais outonomo.
Nr. 3 Artikulo 50 i 51 ku ta regla Toezicht , N.U. no por a kompronde kon un pais outonomo por ta bou di “toezicht” di un otro pais.
E visa presidente, ku ta sr. Disrael Orphelin a bisa esaki ta un berdat ku a wordu skonde pa 65 aña largu .
N.U. nunka a duna e ordu pa baha Kòrsou i e otro sinku islanan for di e lista di paisnan ku no tin outonomia.
Tur teritorio ku a baha foi dje lista a haña un resolushon pa por bahanan.
Antias ku a bai N.U. na 1955, niunka a haña e deklarashon nesesario pa baha nan for di e lista.
Den un karta , fecha 28 di september 2015, prome minister e tempu ei Dr. Ben Whiteman , huntu ku su otro koleganan sr. Marcel Gumbs di Sint Maarten i Mike Eman di Aruba a rekorda minister president di Hulanda Mark Rutte di Hulanda over di e asuntunan aki.
Pa e kuater motibunan aki N.U. no a baha Antias for di e lista.
Na 1963 N.U. a instala un komishon pa aktualisa e lista. E lista original ta di 1946 . Ta e komishon ei , dor di e manera administrativo ku nan a traha e lista a hasi ku Antias no a wordu inkluí.
E trabou di e fundashon ta pa elimina e kuater puntonan aki for di statut.
Despues di e presentashonnan sr. Gilbert Bacilio ku tabata e mahestro di seremonia a presenta un poesiá imansipatorio.
Dionisio Brison +1(721)5239256
Disrael Orphelin 5257489
Hubert Cristina 5206188
