Nos tur ta sirbido di Dios. Loke Dios ta pidi di nos prome cu tur cos ta fieldad y humildad. No ta niun hende ta determina ken nos ta dilanti di Dios. Tampoco nos no tin di husga niun hende pasobra nos no por mira loke tin scondi den su curason. Den e lectura tin skirbi no husga prome cu tempo. Hopi di nos ta haci esey for di ora e persona cuminsa papia sin wak su curason. Cuanto di nos ta husga un persona djis pasobra nos a tende of mir’e? Cuanto biaha nos ta condena un persona sin sa e lucha cu e ta pasa aden? Laga Dios tin e ultimo palabra, y ta Esun cu ta husga. Na luga di husga laga nos puntra Señor: con mi curason ta dilanti di Bo? Mi ta fiel na loke Bo a confia mi? Den Evangelio Cristo ta bisa nos cu E kier haci algo nobo den nos bida. Si nos kier ta un fiel sirbido di Dios nos tin di cambia nos curason pa un curason humilde. Dios ta wak nos curason, nos no por wak e persona su curason. Laga nos ta un fiel sirbido di Dios.
Oracion: Señor duna mi un curason nobo, yuda mi pa mi no husga otro prome cu tempo pero pa wak mi mes prome. Amen.
