ORANJESTAD – Senscion den politica di Aruba! Loke tabata wordo papia den gang di cas di partido AVP awe a explota den cara di Gobierno! Mike de Meza a manda un carta BOMBA pa Formador/Minister-President Mike Eman di AVP, caminda e ta bisa: “MI NO KER TA MINISTER DI BO GABINETE MAS!”

Den un carta fecha awe 24 di augustus 2026, Mike de Meza a shock e top di AVP dor di retira su disponibilidad pa bira minister den e gabinete AVP-Futuro.

E MOTIBO DI E GUERRA: E HOFA CU TA MARA MAN DI ARUBA!

Mike de Meza no a faya di papia cla. E motibo principal cu el a ranca e plug di e asunto aki ta e consensusrijkswet di HOFA (Houdbare Overheidsfinanciën Aruba). De Meza ta declara den su carta cu e ley aki ta ataca y kibra e autonomia financiero di Aruba y ta limita e poder di Parlamento y institucionnan di nos pais.

El a laga sa bon cla: “Nos di AVP SEMPER a lucha contra e inperking di nos autonomia desde 1986. Den e campaña di 2024 tambe nos a priminti pueblo cu nos ta contra e ley di reino aki! Mi no por bay contra mi principio y engaña pueblo!”

“MI PRINSIPIO TA PISA MAS CU UN STOEL DI MINISTER!”

Den un tono firme y rabia, De Meza a haci e Formador compronde cu e no ta bende su alma pa un stoel di Minister. “Mi principio y e libertad y autonomia di Aruba ta pisa hopi mas cu cualkier puesto politico!” – De Meza a skirbi.

El a enfatisa cu e no por asumi e responsabilidad ministerial pa decisionnan di e gabinete aki pasobra e no ta di acuerdo cu e rumbo cu Mike Eman y AVP-Futuro kier tuma.

TA KEDA DEN PARLAMENTO!

Aunke el a bisa “NOH” na e puesto di minister den e gabinete AVP-Futuro, Mike de Meza a aclaria cu e lo keda sí den Parlamento como miembro pa AVP. Desde e stoel den Staten, e lo duna tur su esfuerso pa defende e autonomia di Aruba y sirbi pueblo na su manera.

E PREGUNTA DI ORO: Con Mike Eman ta bay drecha e desaster aki den AVP? Cu e salida aki di Mike de Meza, e coalicion y formacion di AVP-Futuro ta drenta den un crisis total di confiansa! Pueblo ta puntra: Ata e prome caha di dinamita a explota cas di AVP?

E asunto aki sigur sigur lo bay tin mas rabo y bochincha den dianan cu ta bin! Keda atento!