A logra varios aumento pa nan miembronan
Sindicato Sinba a mustra diferencia! Mientras nan ta keto, nan tabata traha duro pa asina logra tur nan onhetivo. For di un lista di 19 punto cu tabata urgente, nan a logra tur!
Recientemente nan a informa cu tur nan bevordering a keda cla y firma pa gobernador. Esaki awor lo bay traduci su mes cu e miembronan/empleado di brandweer lo bay haya nan merecido aumento den e proximo un of dos luna.
E logronan di sindicato Sinba ta contundente: cla y raspa!
Masha hopi ambtenaar di otro departamentonan ta pega cu nan bevordering. Esaki ta hiba nos na d conclucion cu nan sindicato no sa con pa move cos den e aparato.
Ta obvio cu tin sindicato ta politiek verziekt, pasobra nan kier mete nan mes tur dia pa aremente contra gobierno, lubidando cu nan tin miembro cu mester bevordering.
Recien sindicato SPA a bay manifesta na DRH. Pero Sinba no a bay manifesta na DRH, pero nan a bay reuni cu DRH, atende tur punto, tur caso y asina sigui follow up te cu nan a bin cla. Nos ta sigur cu Sinba y Rosa no tabatatine facil. Pero el’a persisti y keda persisti te cu el’a logra move cos.
Ta necesario pa otro sindicatonan tuma les for di Sinba. Reuni cu Sinba y busca conseho. Siña con pa kibra cu politikeria y traha pa miembro.
Di otro banda, Sinba tambe mester cambia su statuut y expande pe por cuminza tuma mas miembro, pasobra hopi lo ta intresa pa forma parti di un sindicato cu ta move cos pa nan.
Ora un sindicato ta lansa grito pa delaster cos, manera prijs di gasolin, prijs di awa, hincando esaki den ambito politico, ta signal cu nan ta perdiendo hopi tempo, cu nan por a usa pa traha pa nan miembronan.
SOLO ta felicita Sinba y pe sigui traha y logra hopi mas.
David Rosa no tine facil, pasobra nos sa cu el’a traha duro. Brandweer mester ta orguyoso di Sr. Rosa cu a pone su alma y curazon pa dredha cos.
