Gobierno di Mike si a traha…. Pero ta Gobierno di MEP ta page!!
Den ultimo dianan ta ser treci dilanti cu “Mike si a traha” y por mira su trabao, unda el’a haci Aruba bunita. E ponencia aki ta basa riba berdad?
Nos a bin haya sa cu e realidad ta otro, esta cu Gobierno di Mike no a paga ni 1 florin na loke el’a traha.
E prome pagonan a start na 2018 y ta Gobierno di Mep a haye presenta cu e recibo y mester a busca forma con pa haci e pago.
Pa Watty Vos Boulevard, Green Corridor y otro proyectonan, Mike no a paga ni 1 florin, pasobra e prome pago a start na 2018. Ta Gobierno di Mep a paga e prome recibo di 80 miyon na 2018.
Watty Vos Boulevard a costa 420 miyon, Green Corridor cu e brug di cambia bida a costa 300 miyon.
Pa 20 aña largo Gobierno mester paga esaki.
Pues, e ponencia cu ta bisa: “Mike si a traha, y a wak unda e placa a bay”, ta un ponenencia total, pero totalmente robes!
Mike a traha sin paga 1 florin y pesey mes el’a declara den parlamento: “cu orguyo”, cu orguyo el’a crea debe pa pueblo paga!
Desde 2018, Gobierno mester a pone un belasting adicional, cu yama BAVP, cual ta produci e fondonan pa asina por paga pa e PPP projectennan. Y ta un compriso anual di 80 miyon florin.
Ainda tin hende ta puntra, unda e placa di BAVP ta bay?
