Den un desaroyo nobo, Mike de Meza a lansa un ultimatum na Ministerio Publico (OM) diamars, exigiendo claridad riba ki acusasion nan tin den su contra y ta di kico e ta wordo sospecha. Segun Noticiacla a raporta, e ultimatum a duna Ministerio Publico te cu dialuna 4’or pa duna contesta; sino De Meza lo tuma accion legal contra nan.
E situacion a surgi despues cu Belastingkantoor / Impuesto a presenta un keho penal contra De Meza, cu supuestamente ta inclui asuntonan di fraude fiscal i incumplimento cu obligacionnan di belasting. Sinembargo, te awor, OM no a duna detaye concreto riba e acusacionnan, loke a lanta frustracion di parti di De Meza i su defensa.
Mensahenan critico riba Red Social
Den medio di e tension, Desiree Croes, abogado di Mike de Meza, a publica varios mensahe na riba su pagina di Facebook cu aparentemente ta dirigi na premier Mike Eman. Entre e frasenan mas destaca ta:
- “Den cas di mi tata, no tin luga pa traidor.”
- “Ta reina silencio… Di indjan Arawak, nos a bira indjan Parawak.”
E mensahenan aki ta wordo interpreta como un critica na Eman, kende te ainda no a tuma un decision riba e caso di De Meza. E silensio di Eman ta trece cune presion riba Mike de Meza y su team
Kico ta sigui?
Si OM no a aclara e caso dialuna pa 4’or, Mike de Meza i su equipo legal ta prepara pa lansa un demanda contranan, alegando falta di cooperashon i violacion di su derechonan legal.
Solo di Pueblo lo sigui monitorea e desaroyonan di e caso i lo informa.
