Despues cu e no a logra pasa screening pa bira Ministro di Energia na Aruba, Mike de Meza a keda sin un puesto oficial den gobierno AVP-Futuro. Diamars atardi pueblo tabata testigo cu Baba Herde a huramenta den e posicion cu mester tabata di Mike de Meza. Den su ultimo post riba Facebook ta lanta mucha pregunta riba su estado di animo y su proximo paso. E ta bisa: “I carry pride, honour, and pain. My story! No one can EVER break what was built in silence and sealed in sacrifice.”
Orguyo, honor y dolor: un combinacion poderoso
Den su palabra, Mike ta pone cla cu e no ta sinti su mes derota. E ta papia di orguyo y honor, dos caracteristica cu generalmente ta relaciona cu lucha y liderazgo. Pero e ta agrega ‘dolor’, un señal cu e ta sufriendo pa loke a pasa, pero e ta keda duro y firme.
“Built in silence and sealed in sacrifice”
E frase aki ta mas profundo. Mike ta referi cu loke el a traha den su carrera politico no tabata pa show publico solamente. Segun su palabra, su trabou a wordo traha den silencio y sacrificio. E ta manda un mensahe cla cu su entrega personal tabata real y cu e no ta laga nada ni ningun hende kibra esaki.
Un mensahe pa su enemigo of su pueblo?
Si analisa su mensahe cu el’a manda na airport dia el’a yega Aruba, unda el’a adverti cu e lo no kier forma parti di un gobierno, unda ta laga ambtenaarnan manda riba promer minister, e ora mester tene e mensahe aki na cuenta. Maske e mensahe nobo no ta un atake directo, e ta un sorto di expresion, cu no por decifra ki caminda of kico lo sigui.
