Segun e medio di noticia AVP24, Mike de Meza no ta ministeriabel pa e gabinete nobo. E noticia ta bisa cu De Meza tin un debe grandi cu belasting y tambe a bende un compania sin paga e impuesto necesario.
Esey ta considera como un delito fiscal, un asuntu serio cu por tin consecuencia legal. Ley di screening ta bisa cu un minister mester ta ehemplar y mester cumpli cu su debernan.
Pa e motibo aki, algun hende ta sugeri cu mester selecciona un otro candidato pa minister, un persona sin problema di impuesto, pa evita cuestionamiento riba integridad di e gabinete nobo. E situacion ta crea duda si De Meza ta realmente elegibel pa tuma un puesto ministerial.
