Diaranson merdia 2’or, testigonan a confirma di a mira lider di AVP Mike Eman na oficina di SVB pa somete su mes na un control medico obligatorio segun ley di screening. E regulacionnan vigente ta bisa cu candidatonan pa minister mester haci un examen medico.
E procedimiento aki ta un paso obligatorio den e procesonan pa nombracion di ministernan, cu ta inclui un chequeo di salud general pa asegura cu e candidatonan por cumpi cu e exigensianan fisico y mental di e funcion.
Fuente anonimo a bisa cu Eman a wordo compaña pa su casa Doina unda a sigui e chequeonan stipula y tabata di bon animo durante su bishita.
E screening medico ta un parti importante di e evaluacion general, cu tambe ta inclui verificacion di integridad y otro criterianan promer cu un candidato por wordo oficialmente nombra como ministro.
Pa e ocacion aki, SVB a cera su oficina diaranson atardi pa publico, pa ricibi exclusivamente e candidatonan pa minister.
