Mike Tyson kier tin un combate nobo cada dos luna y ta interesa den un revancha contra Evander Holyfield

0
60

Mike Tyson a laga sa bon cla cu e no kier limita su mes na un solo combate di exhibicion, manera cu e tabata tin dia 28 di november contra Roy Jones Jr.

Su intencion ta pa sigui riba ring, el a laga bon cla den un rueda di prensa despues di e pelea, cu a caba den empate, segun e website MMA Fighting.

“Mi ta bisa cu mi lo ta miho den e proximo. Tur cos cu mi tabata haciendo, mi por a haci’e miho. Si Dios kier mi lo ta miho den e proximo demostracion,” el a expresa.

E caminda di regreso no tabata nada facil pa Tyson, kende a baha 45 kilo pa e por a bolbe bringa, awo tin plannan grandi pa su futuro combatenan.

“Mi tabata tin 15 pelea den un aña. Nos a purba di traha riba un ritmo parecido. Mi mester ta constantemente competitivo, ningun hende por perde e forma pasobra tur hende ta bringando.

Mi mester ta consistente. Mi lo kier tin uno cada dos luna, ta mi opinion personal.

Mi lo kier bringa cada dos luna,” el a declara. Segun Tyson, su ekipo a contacta Evander Holyfield como oponente potencial, kende a anuncia su intencion di bringa di nobo, pero e dos partinan nunca por a yega na un acuerdo.

Bisando esaki, Tyson ainda ta habri na e idea di un revancha cu Holyfield, si e excampeon ta interesa.

“Kisas Evander mester papia cumi pasobra cada biaha cu mi socionan comercial papia cu su socionan comercial, cosnan no ta sali bon,” Tyson a revela.

Ya sea Holyfield of cualkier otro contrincante, Tyson ta entusiasma cu e giro nobo cu su bida profesional ta dunando.

“Mi ta bay train. El a converti den mi estilo di bida awo,” el a afirma.

LEAVE A REPLY

Please enter your comment!
Please enter your name here