Na inicio di e aña escolar nobo, Minister Endy Croes a acudi na Ayo, na scol Sur Juliette, cual ta ex Emma School. Aki el’a haya e remote control pa oficialmente cende e 38 airconan nobo pa e scol aki.
Pa varios aña Ex Emma School na Ayo a pidi yudansa pa airco. Riba dianan calor, mester a cera e scol.
Gobierno a duna oido y asina encamina e proceso pa instala coriente y adqueri e airconan pa asina e scol por haya un ambiente agradabel pa duna les.
Un otro inversion den e muchanan y maestronan.
E maestronan a mustra nan alegria total pa cu esaki y Minister Croes a haya e honor pa cende e airconan.
Pabien scol di Ayo, Sur Juliette cu e avanse aki.
