Minister Dangui Oduber a informa SOLO DI PUEBLO ayera, cu el’a entrega un keho contra duo De Ruijter/Williams pa keho falso cu nan a haci na Ministerio Publico relaciona cu seguro pa turista. E keho ta rementa De Ruijter for di otro cu a bini cu storianan chupa di su duim, falso y manipulador.
Jan de Ruijter a acusa Dangui di a haci cosnan irregluar cu seguro pa turistanan y a cobranan $ 15 pa dia. Segun e keho di De Ruijter cu te awe ta cobrando $ 15 pa dia, cual ta enmpugna cu berdad, pasobra e cobransa ey tabata pa 3 luna. Despues a sigui cobra $ 30 como un flat fee pa turista.
Jan de Ruijter a ocuri na storianan hopi baho, unda hasta a bay skirbi riba un persona cu tabata traha cu compania di seguro y cu a fayece. El’a construi tur sorto di teoria conspirador pa asina ataka Minister Dangui Oduber.
Minister Oduber a refuta tur acusacion di De Ruijter y a pidi Ministerio Publico pa persigui De Ruijter, cu ta ocacionando “smaad y laster” y sin ningun motibo valido kier lastra nomber y imagen di Minister Oduber.
