Minister Dangui Oduber a reconoce cuater instructor di landamento

0
32

Minister di Deporte, Dangui Oduber tabata tey presente na Piscina Olimpico Roly Bisslik na un ocasion hopi special pa por a duna reconocimento na cuater Arubiano hopi ehemplar cu a duna gran parti di nan bida na e deporte di natacion.

Pesey mes e mandatario a duna nan un reconocimento hopi bon mereci pa tur nan contribucion, pa tur nan dedicacion, pa tur nan amor demostra pa deporte escolar.

E cuater personanan aki semper a fungi como examinator, ora tin e landamento escolar pa schoolzwemmen diploma A y B.

Diabierna schoolzwemmen pa diploma A y B ta sigui y nan a fungi como examinator, esun cu ta huzga si e mucha ta pasa e examen si of no.

Ta pesey mes a duna reconocimento na Geoffrey Ho-Asjoe, na Winnie Bisslik, na Bram Cole y Maria Luisa Croes pa desde cu e fundacion di Landamento Escolar, a yuda den nan tempo liber como voluntario como school examinator.

Nan tin mas di 27 aña caba ta fungi como school examinator. Pesey mes, como minister di deporte y den nomber di gobierno, Oduber a duna nan un reconocimento bon mereci pa tur nan aporte y contribucion na Landamento Escolar.

Landamento Escolar ta un proyecto cu ministerio di deporte ta kere aden. Por mira cuanto mucha a pasa nan zwemexamen, diploma A y B di e aña aki.

Ta un proyecto cu tin derecho di existencia y cu lo mester continua. Por mira cu hopi di e muchanan aki tin e necesidad pa haya e lesnan di landamento y e zwem instructeurnan pa 27 aña ta duna e lesnan den ora di scol na muchanan di 3de klas.

A mustra cu ta un proyecto exitoso. Ministerio di Deporte ta sostene completamente.

LEAVE A REPLY

Please enter your comment!
Please enter your name here