E programa di Scol Saludabel ta forma parti di e Plan Nacional di prevencion di malesanan no transmisibel. Minister Oduber a splica cu e plan aki ta un plan integral cu a cuminsa na aña 2020 pero a para door di e pandemia. Pero manera cu pandemia a pasa e plan nacional di prevencion a cuminsa continua mas lihe posibel.
![](https://solodipueblo.com/wp-content/uploads/2024/07/Pic-Scol-Saludabel-a-subi-di-10-pa-15.1-1024x1024.jpg)
Tres ministerio ta uni pa duna sosten financiero na un programa cu ta enfoca den crea un estilo di bida saludabel y asina logra implementa un rutina di come saludabel pa alumnonan aki na Aruba.
![](https://solodipueblo.com/wp-content/uploads/2024/07/Pic-Scol-Saludabel-a-subi-di-10-pa-15.4-1024x1024.jpg)
Den e programa Scol Saludabel no solamente ta enfoca riba salud fisico pero tambe riba salud mental, movecion y bienistar total di e muchanan. Mas salud un mucha ta, mas productivo e ta den bida.
Minister Oduber ta kere firmemente den campañanan y programanan di prevencion. Prevencion ta e yabi pa tin un fondo di AZV cu ta keda sostenibel den futuro y pa haci esaki posibel nos mester cuminsa na nos muchanan. Cu gran orguyo Minister Dangui ta informa pueblo cu a bai di tin 10 scol cu ta participando na e programa, pa 15 scol.
![](https://solodipueblo.com/wp-content/uploads/2024/07/Pic-Scol-Saludabel-a-subi-di-10-pa-15.3-1024x1024.jpg)
Un danki na departamento di salud publico / Jeugd Gezondheids Zorg, departamento di asuntonan social, SKOA, SPCOA, IPA, DPS y GSA pa nan participiacion na un manera hopi activo. Nan ta sigui traha cu e meta pa logra tur scol aki na Aruba pa ta ariba e programa di Scol Saludabel.
Minister Oduber ta sigui traha pa concientiza nos muchanan na Aruba pa hiba un bida saludabel cu sigur lo contribui na un desaroyo positivo pa nos pais.