E cantidad di barconan crucero ta aumenta gradualmente y den luna di October 2021 Aruba lo ricibi 9 calls cu ta un aumento gradual compara cu luna di September cu tabata tin solamente 6 calls.

Minister ta recorda pueblo cu ta apenas na juni 2021 Aruba a ricibi su promer linea crucero desde maart 2020. Pa mas cu 1 aña y 3 luna Aruba no a ricibi ningun barco crucero. Gobierno ta haci hopi esfuerso pa cruceronan por ta bek na Aruba. Den october lo ta yegando barconan crusero for di Celebrity Cruises, Royal Caribbean Cruise lines y Carnival Cruise Lines. Minister Oduber a señala cu pa e aña aki ainda falta 18 calls.

Schedule di barco crucero den luna di october 2021 a conoce un aumenta di 3 calls. Minister Oduber ta splica cu Ministerio di Turismo, APA y ATA ta keda traha na un manera pro-activo pa sigui acerca mas linea crucero pa bin Aruba, tambe pa splicanan kico e situacion ta na Aruba. Na mes momento lo comparti tambe e protocolnan cu lineanan crucero lo mester sigui.

Aruba tawata e prome destinacion pa e cruceronan. Cu esaki Aruba ta continua su recuperacion di nos turismo crucero. Sigur esaki ta crea oportunidadnan pa nos economia, pa e cuponan di trabou, pa tour operators, pa taxistnan, pa restaurantnan y tiendanan di retail. 

Minister Dangui Oduber ta menciona cu mescos tawata e caso cu e bishitantenan stayovers, turismo crucero lo mira un crecemento gradualmente segun proyeccion di APA.

LEAVE A REPLY

Please enter your comment!
Please enter your name here