Siman pasa a tuma luga e competencia Poeta di Patria caminda cu 15 participante a presenta nan poema den nos dushi idioma Papiamento. Nos poetanan a presenta nan poema den cual nan a recita nan aprecio, amor, stimacion cu nan tin pa nos pais Aruba y su Cultura. Un cos ta sigur nos pais ta yena cu talentonan creativo. Aruba con chiki bo por ta, bo ta wordo semper respeta y ta demostra esaki tambe riba tereno di Arte y Cultura.
Den un sala cu un publico grandi, e resultado di e competencia a wordo anuncia como ganado absoluto Poeta di Patria 2022 Marilis Becker cu su poesia āE piesa di Encantoā, na segundo luga a resulta Jhon Freddy T. Montoya cu su poesia āMi kier taāy na tercer luga Luis Rafeal Rodulfo cu su poesia āAruba Nos Herenciaā. Tabata un honor pa Minister di Cultura entrega e premio na e ganado di Poeta di Patria 2022. Director di Departamento di Cultura Sr. Dumfries y Sr. Flemming President di Comision Celebracion Dianan Nacional a entrega premio na e segundo y tercer luga. Tur particpante a ricibi un certificado y tambe un buki cu tur e poemanan cu a participa den e competencia.
Minister di Cultura ta felicita e ganadonan y gradicinan pa nan participacion, como tambe tur participante pa demostra nan talento creativo expresando nan amor patrio y carga nos Cultura den boso curason. Un danki tambe na e comision organisador forma pa Departamento di Cultura y CCDN.
