Minister di Deporte Endy Croes a bisa dialuna mainta cu pa fin di October Lotto lo tin miembronan di bestuur nobo.
E manadatario a bisa cu e miembronan di bestuur actual, poni pa Mike Eman y Mike de Meza tin 12 aña sinta.
Riba pregunta di Hilario Doncker, con el lo bay hasi esey? Minister Croes a contesta: puntami aki un luna ora mi cambia nan.
Minister Croes a bisa cu Lotto ta opera mescos cualke otro nv di gobierno. E minister no tin acceso na fondo, pero si na vision, y duna direccion di maneho deportivo. Fondonan di e fundacion ta wordo atendi y ta cay bao di responsabilidad di e director y bestuur.
Segun Minister Endy Croes a bisa, cu Lotto mester crea e placa pa deporte, despues cu nan paga 50% na premio for di benta y nan gastonan di operacion.
Pues segun Minister Croes, cu dentro di un luna, pa fin di October, Lotto lo tin un bestuur nobo.
Nota di redaccion: desde 2011 pa 2019, Lotto a paga na Canadian Bank Note un total di 86 miyon florin, di un contract cuestionabel, regala dor di e bestuur actual di AVP. Practicamente Canada a ranca tur fondo di deporte.
