Diaranson merdia, Minister di Husticia, mr. drs. Arthur Dowers, a realisa un bishita oficial na Departamento di Inmigracion Aruba situa na J.G. Emanstraat na Playa. Durante e bishita, e Minister a tene combersacion cu algun funcionario di Inmigracion pa intercambia pensamento riba e proceso di peticion pa stranheronan cu ta drenta pais cu garante, y tambe e procedura pa prolongacion di nan estadia despues di e periodo inicial di vakantie.
E Minister tambe a trata e tema di e carta di ouderschap, un documento importante cu ta duna autorisacion legal na mayornan cu ta separa, pa por biaha cu nan yiu menor di edad.
Ta Minister Dowers, mes a institui e Departamento di Inmigracion den pasado cu e fin pa kita e peso for di otro departamento gubernamental, y ta reconoce cu tin necesidad pa evalua seriamente e proceso actual. Minister a indica cu lo haci un evaluacion completo di e procesonan , y si e considera cu cambio ta necesario, lo tuma e pasonan prudente pa mehora funcionamento di e departamento.
