Diamars Minister di Husticia, Integracion, Transporte Publico y Energia mr. drs. Arthur Dowers a reuni cu Director di Wetenschappelijk Onderzoek- en Datacentrum (WODC), Prof. dr. mr. Ivo Giesen, kende anteriormente tabata hoofd leraar privaatrecht na Universidad di Utrecht.
E encuentro a enfoca riba con investigacion cientifico por contribui na desaroyo di politica publico mas efectivo pa Aruba. Durante e dialogo, a analisa ki tipo di investigacion WODC ta haci y con cierto investigacion ta aplicabel na beneficio di Aruba, pero tambe a intercambia pensamento riba ki tipo di investigacion lo ta consehabel pa Aruba mes haci.
Ademas, a intercambia punto di bista riba temanan importante manera asilo y migracion, cuido forensico, criminalidad hubenil, crimen organisa, rechtshandhaving y crimen cibernetico. E dialogo a subraya e rol esencial di data y investigacion como base pa forma decisionnan strategico den gobernacion.
E encuentro aki ta representa un paso importante den fortalece cooperacion cu institucionnan cientifico y orienta politica riba conocemento y evidencia.
Cu encuentronan manera esaki, Gobierno ta sigui construi un base solido di confiansa, respet y cooperacion, esencial pa logra progreso real y duradero pa Aruba.
Minister van Justitie Arthur Dowers verkent wetenschappelijke samenwerking met het WODC
Dinsdag heeft de minister van Justitie, Integratie, Openbaar Vervoer en Energie, mr. drs. Arthur Dowers, een ontmoeting gehad met de directeur van het Wetenschappelijk Onderzoek- en Datacentrum (WODC), prof. dr. mr. Ivo Giesen, die eerder hoogleraar privaatrecht was aan de Universiteit Utrecht.
De ontmoeting richtte zich op hoe wetenschappelijk onderzoek kan bijdragen aan de ontwikkeling van effectiever overheidsbeleid voor Aruba. Tijdens de dialoog werd geanalyseerd welke onderzoeken het WODC uitvoert en in hoeverre deze toepasbaar zijn ten behoeve van Aruba. Daarnaast werden ook gedachten uitgewisseld over welk type onderzoek Aruba zelf zou kunnen of moeten uitvoeren.
Verder werden standpunten uitgewisseld over belangrijke thema’s zoals asiel en migratie, forensische zorg, jeugdcriminaliteit, georganiseerde criminaliteit, rechtshandhaving en cybercrime. De dialoog onderstreepte de essentiële rol van data en onderzoek als basis voor het vormen van strategische beslissingen binnen het bestuur.
Deze ontmoeting vormt een belangrijke stap in het versterken van de samenwerking met wetenschappelijke instellingen en het richten van beleid op kennis en wetenschappelijke bevindingen.
Met ontmoetingen zoals deze blijft de regering bouwen aan een solide basis van vertrouwen, respect en samenwerking, essentieel om echte en duurzame vooruitgang voor Aruba te realiseren.
