E aña aki Asociacion Trabou di Hubentud (ATHA) ta celebra 10 aña di Poder di Hubentud cu un record di 57 hoben nomina di diferente organisacion. E organisacionnan a nomina e hobennan di edad di 14 pa 17 aña cu a destaca den diferente area entre otro, social, deportivo, cultural, religioso, arte, enseñansa, media y tecnologia.
![](https://solodipueblo.com/wp-content/uploads/2024/07/PHOTO-2024-07-08-08-05-59-1024x683.jpg)
Diadomingo ultimo, a sorpresa e hobennan aki den presencia di Minister di Enseñansa y Deporte Endy Croes, famia, amistad y diferente organisacion. E nominadonan lo incia un trayecto educacional di seis (6) siman den vakantie grandi, unda nan lo haya diferente tayer, guia pa nan desaroyo personal y intelectual.
![](https://solodipueblo.com/wp-content/uploads/2024/07/PHOTO-2024-07-08-08-06-04-1024x768.jpg)
Lo educa e hobennan con pa yega na un proyecto y con pa ehecuta un proyecto. Por mira cu e hobennan cu a forma parti di Poder di Hubentud durante e dies (10) añanan di existencia, ta hobennan cu a sigui destaca grandemente den nos comunidad.
![](https://solodipueblo.com/wp-content/uploads/2024/07/PHOTO-2024-07-07-22-53-53-1024x682.jpg)
Minister Endy Croes a felicita presidente Franchesca Hijnze y team completo di ATHA cu e bunita proyecto aki. Alabes, a felicita e 57 hobennan nomina y a desea nan hopi exito.
![](https://solodipueblo.com/wp-content/uploads/2024/07/PHOTO-2024-07-08-08-05-55-1024x683.jpg)
![](https://solodipueblo.com/wp-content/uploads/2024/07/PHOTO-2024-07-08-08-05-53-1024x683.jpg)