Diabierna ultimo, a tuma luga e gran Ceremonia di Apertura di e di 30 edicion di Weganan Olimpico Paris 2024. Pa prome biaha e apertura di Weganan Olimpico e delegacionnan tabata riba un boto cu a traspasa mas di 6 km riba e riu de Seine cu ta recore den e ciudad.
![](https://solodipueblo.com/wp-content/uploads/2024/07/Apertura-Weganan-Olimpico-2024-2-1024x826.jpg)
Ta premira cu mas di 300 mil persona a presencia e gran desfile di Weganan Olimpico Paris 2024. Mas di 1.5 biyon hende rond mundo por a admira e bunitesa di nos delegacion na television. E delegacion di Aruba a briya cu nan trahe ceremonial confecciona pa e costurero Sr. Ramon di Staylay. Pais Aruba su abanderadonan tabata den persona di Chloë Farro y Mikel Schreuders, ambos atleta di landamento. Hefe di Mision, Kamilah Dammers, atleta di Vela, Just van Aanholt, coach di Vela, Yuri Hummel, coach di landamento, Ismael Santiesteban y miembro di Direccion di Deporte, Monica Fajardo tabata esnan cu a compaña e abanderadonan riba e boto.
![](https://solodipueblo.com/wp-content/uploads/2024/07/Apertura-Weganan-Olimpico-20241-1024x826.jpg)
E Weganan Olimpico Paris 2024 a inicia dia 26 di juli pa 11 di augustus proximo. Aruba ta competi cu seis (6) atleta na e Weganan Olimpico esta, Shanayah Howell Ciclismo/BMX , Chloe Farro landamento, Ethan Westera Vela/Windsurfing Men, Just van Aanholt Vela/Single Handed Men, Mikel Schreuders Landamento y Philip Elhage Tiro. Pa finalisa, Minister Endy Croes ta desea nos atletanan hopi exito. Cu disciplina, deseo, dedicacion y determinacion boso ta logra. Aruba ta orguyoso di boso!