Diasabra ultimo, Minister di Enseñansa y Deporte Endy Croes a acudi na Ceremonia di Graduacion di Colegio Nigel Matthew den e prestigioso ballroom di Marriott Resort. Durante e ocasion special aki, 85 studiante a gradua y cu emocion a ricibi nan diploma di Havo.
![](https://solodipueblo.com/wp-content/uploads/2024/07/IMG_2202-768x1024.jpeg)
A inicia e anochi cu Himno Nacional di Aruba. Ademas di esaki, a anuncia e miho graduado di 7 vak, kende ta Elangely Valecillos-Andrade y miho graduado di 8 vak, kende ta Kevin Li. Cu hopi emocion e mayornan presente tabata aplaudi y mira nan yiu ricibi nan diploma di Havo cu hopi orguyo.
![](https://solodipueblo.com/wp-content/uploads/2024/07/IMG_4494-1024x798.jpg)
Despues di hopi sacrificio, esfuerso y perseverancia, e alumnonan a logra e milestone aki. A culmina e aña escolar cu broche di oro pa e graduadonan, bailando hunto cu nan mayor- y docentenan riba e ritmo di e banda musical ‘N FUZION. Minister Endy Croes a gradici rector di Sr. Ralph Croes, staf, docente di Colegio Nigel Matthew pa e gran trabou cu nan ta haciendo.
![](https://solodipueblo.com/wp-content/uploads/2024/07/IMG_4533-1024x815.jpg)
Pa finalisa, Minister Endy Croes ta felicita e studiantenan cu a traha duro pa logra nan diploma di Havo y ta encurasha nan pa sigui studia.
![](https://solodipueblo.com/wp-content/uploads/2024/07/1000186423-1024x682.jpg)
![](https://solodipueblo.com/wp-content/uploads/2024/07/1000186424-1024x682.jpg)
![](https://solodipueblo.com/wp-content/uploads/2024/07/1000186425-1024x768.jpg)
![](https://solodipueblo.com/wp-content/uploads/2024/07/IMG_4533-1024x815.jpg)
![](https://solodipueblo.com/wp-content/uploads/2024/07/1000186426-1024x768.jpg)