Diamars mainta, Minister di Enseñansa y Deporte Endy Croes a acudi na Centro Deportivo Libertador Betico Croes na Santa Cruz. A inicia cu un proyecto di renobacion na Centro Deportivo Libertador Betico Croes na Santa Cruz. Manera ta conoci, e vloer di e sporthal tabata den un condicion deplorabel.
![](https://solodipueblo.com/wp-content/uploads/2024/07/DSC00978-1-1024x577.jpg)
Durante pandemia Centro Deportivo Libertador Betico Croes a wordo uza como centro di vacunacion y a acorda cu Gobierno di Aruba lo percura pa renobacion di e vloer. Pues pa hopi tempo no por a uza e sporthal pa eventonan deportivo. E container cu tur material a yega Aruba, pues e trabounan a inicia. A kibra e vloer di e sporthal completamente pa pone un cancha special y moderno.
![](https://solodipueblo.com/wp-content/uploads/2024/07/DSC00980-1-1024x577.jpg)
Minister Endy Croes ta gradici Gobierno di Aruba, Ministerio di Deporte, directiva di Aruba Sport Unie (ASU), Dienst Openbare Werken (DOW), Arubaanse Wegenbouw Maatschappij (AWM) y tur stakeholder cu ta haciendo e proyecto aki posibel.
![](https://solodipueblo.com/wp-content/uploads/2024/07/DSC01009-1-1024x577.jpg)
Finalmente, e mandatario di Deporte a indica cu mas despues e lo bishita e sporthal pa mira e avancenan y lo mantene pueblo informa acerca di e ultimo desaroyonan di renobacion,