Diaranson, dia 26 di april na Cas Ceremonial a tuma luga e Ceremonia di Condecoracion Real na unda cu Gobernador, Su Excelencia Alfonso Boekhoudt a condecora 10 ciudadano di Aruba cu a contribui boluntariamente na pais Aruba. Tur aña na ocasion di celebracion di Aña di Rey, Kabinet Gouverneur y Comision Condecoracion Real Aruba ta organisa e evento na unda ciudadanonan cu a destaca den comunidad ta bin na remarca pa ricibi un Condecoracion Real.
E siguiente personanan a wordo condecora como ‘Ridder in de Orde van Oranje-Nassau’:
• Sr. Carlos Juan Benicio Albertus
• Sr. Goswino Adolfo Oduber
• Sr. Frank Albert Williams
E siguiente personanan a wordo condecora como ‘Lid in de Orde van Oranje-Nassau’:
• Sra. Diana Margarita Flanders
• Sr. Emile André Ignatius Herdé
• Sra. Martiline Louise Hodge-Henry
• Sr. Giantonio Angelo Muller
• Sra. Angelique Liseth Perez-Kelly
• Sra. Nataly Maria Simmons-Thompson
• Sra. Mathilda Juanita Wijnaar
Minister Endy Croes ta felicita e Condecoradonan cu a ricibi nan Condecoracion y ta gradici nan pa e trabou incansabel y importante cu nan ta haci di curason pa nos comunidad. Danki pa boso trabou, tempo y amor di traha boluntariamente pa nos pais. Nos ta sumamente orguyoso di boso. Concluyedo, Minister Endy Croes ta gradici e Comision Condecoracion Real Aruba pa nan trabou.
