Cambio climatico ta impactando mundo henter. Paisnan cada vez ta sinti esaki severo, mientras scientificonan ta indica cu e situacion ta empeorando. Expertonan financiero y economistanan ta di acuerdo cu e clima nobo lo tin impacto severo pa economia global.
Durante su bishita na april na e Spring Meetings di IMF y World Bank na Washington D.C., Minister Geoffrey Wever a haci un apelacion pa Aruba wordo admiti den e coalicion mundial cu IMF y World Bank Group den cual ministronan di finansas ta bin hunto cu meta pa prepara nan paisnan pa atende cu inversionnan cuantioso cu lo bira necesario pa motibo di cambio climatico.
Esaki ta yama Coalition of Finance Ministers for Climate Action (CFMCA).
“Nos no por keda na banda y sigi warda otronan busca solucion pa nos. E cambionan ta real y inevitable. Nos mester prepara nos mes,” minister Wever a bisa. Clima no ta haci distincion entre sector priva y sector publico. Pa e motibo aki IMF y World Bank Group a crea un plataforma importante asina pa ministronan di finansas.
Na April Aruba a wordo accepta solamente como miembro observador pa motibo den Reino ta Hulanda ta e pais cu tin representacion den IMF. “Aunke miembro observador ta un bon comienso nos a keda insisti cu Aruba como isla vulnerable no por ta un simpel observador. Nos como isla mester participacion activo den e dialogo global. Paisnan rond mundo ta preparando nan mes pa haci inversionnan substancial pa protehe nan infrastructura y nan economia contra cambio climatico”, segun minister a comenta. Aruba no por laga otronan dicidi pa nos.
Siman pasa Gobierno a ricibi confirmacion cu tur otro e ministernan di finansas di e coalicion a bay di acuerdo pa admiti Aruba como miembro oficial. Aruba lo ta e prome isla miembro di CFMCA apesar cu nos ta un miembro indirecto di IMF/WBG. “Esaki ta un paso grandi pa nos isla, pero cu esaki Aruba ta inspira hopi otro islanan rond mundo cu tambe ta buscando un oportunidad pa expresa nan mes den instancianan internacional,” Minister Wever a declara.
Den coalicion cu ministronan di finansas di otro paisnan nos por aumenta nos capacidad pa defende nos posicion pasobra nos por siña di loke ta traha pa otro paisnan,” Minister Wever a declara.
E temanan central tabata relaciona cu necesidad urgente pa fortalece resiliencia economico y social mundial den un contexto di instabilidad economico y cambio climatico creciente.
Clima y economia ta interdependiente, y nos ta preparando un plataforma pa nos comunidad por tuma decision cu mas responsabilidad y impacto, y den amplio dialogo cu tur stakeholders, ” Minister Wever a enfatisa.
“Clima y economia no ta separa – nan ta interconecta.
Aliniacion cu e vision di AVP-Futuro
E paso ta reforza e compromiso di Gabinete AVP-Futuro pa integra sostenibilidad den maneho economico y finansa publico. Aruba ya firma tratado internacional pa proteccion ambiental, y e miembrecia den CFMCA ta amplia nos capacidad pa implementa un politica di “green budgeting” cu impacto real.
Aruba lo ta activo den dos trajecto den CFMCA. E prome trajecto ta dirigi pa stimula inclusion di temanan climatico den procesonan di planning, presupuesto y inversion di Gobierno. E segundo trajecto tin como meta pa facilita y stimula inversion priva den projectonan climatico. Manera menciona, cambio climatico ta bay afecta tur sector, inclusive gobierno, sector financiero, sector primario, construccion, turismo. Ademas di esaki Aruba ta participa den otro ‘advocacy’ groups y e esfuerzo nacional ta wordo coordina via NCRC, National Climate Resilience Council.
“””Nos ta trahando un fundeshi fuerte. Clima y economia ta interdependiente, y pesey nos ta busca e conocimento y plataforma pa hunto nos por tuma decisionnan cu mas responsabilidad y den amplio dialogo cu henter nos comunidad, ” Minister Wever a enfatisa. Aruba lo sigui traha hunto cu IMF, y CFMCA pa mira si miembrecia completo ta posibel. Nos economia sostenibel mester ta resiliente y pa esey nos mester raha riba finansas responsabel..
Minister Wever, ta gradici tur instancia cu a yuda Aruba den e esfuerzo pa logra miembrecia y den esaki no por keda sin menciona un asistencia sublime di parti di representantenan di Ministerio di Finansas di Hulanda, ministerio di Asuntonan Exterior di Hulanda, y tambe e secretariado di CFMCA.
