Diaranson mainta e delegacion commercial consistiendo di 30 empresario local a Sali rumbo pa Santo Domingo pa atende Agroalimentaria 2025. Conforme e Plan di Gobernacion 2025-2028 Gabinete AVP-Futuro y di acuerdo cu e visiondi Minister di Finansa, Economia y Sector Primaria Geoffrey Wever un prioridad ta pa baha e costo di bida na Aruba.
Esaki ta posibel door di mitiga e impacto di entre otro di aumento di prijs di producto cu ta wordo importa di Merca. Meta principal di atende Agroalimentaria 2025, un di e ferianan agricola mas importante di Caribe, cu lo tuma lugar di 28 te 31 di mei 2025 naSanto Domingo, Republica Dominicana ta pa explora expansion di importacion den region,
E participacion oficial di Aruba lo ta bow liderasco di Departamento di Asunto Economico, Comercio y Industria (DEZHI), den colaboracion estrecho cu e Consul y Vice-Consul di e Consulado General di Republica Dominicana na Aruba. Manera menciona un total di 30 comerciantenan Arubiano di diferente sector cu ta interesa especialmente den producto agrícola y bebiba a sali awe rumbo pa Agroalimentaria 2025.
Na e feria e commerciante nan tin oportunidad di traha conecxion directo cu negoshinan di Santo Domingo pa asina amplia nan contacto y laso nan den regio den e sector agricola. Lo tin rondanan di negoshi, reunionnan directo cuexportadonan Dominicano, conferencianan, presentacionnan relaciona cu e desaroyo actual y futuro di e sector agricola.
Asina aki e commerciante nan presente tin e oportunidad pa examina e productonan Dominicano personalmente, evalua nan calidad y asina explora posibel importacionpa Aruba.
Ja caba for di 2018, DEZHI a tuma un rol activo den coordinacion di diferente misionan comercial pa Santo Domingo y esaki lo continua di e mesun manera den e edicion di e aña aki. Cu sosten di gobierno Dominicano, un ruta maritimo nobo a wordo estableci entre Republica Dominicana y Aruba via Don Andres, cu ta yuda facilita transportacion consolida di carga.
“Mi kier a desea e participante nan cu a Sali awe pa Santo Domingo hopi exito cu e misión comercial aki. Como gobierno nos ta enbusca activamente di mercadonan nobo y asina trata di baha prijs di cuminda, pero ta mu en particular awor mitiga e impacto negativo cu e Trade War lo por tin pa nos pais.”, según Minister Geoffrey Wever.
