Un informe cu a circula durante e weekend y cu tambe a wordo menciona na radio, ta bisa cu tin un desgusto den sector di enseñansa referente na manera Minister Gerlien Croes ta maneha sierto asunto.
E disgusto no ta solamente pa e hecho cu e no a regla na tempo pa cu maestronan haya nan contract nobo, pero tambe pa su intervencion directo den scolnan y den e sistema di puntuacion.
Recientemente, den un caso relaciona cu un alumno, a surgi informacion cu mesun minister a mete man den e norma di puntuacion (es decir, puntuacion minimo pa bay over), pa asina regla pa un alumno por bai over.
E informe aki a causa hopi iritacion na e scol y serca e maestronan envolvi, pasobra segun nan, esey no ta tarea di un minister, y hopi menos si esey ta duna e percepcion cu un alumno ta wordo faborece.
E detayenan concreto di e caso no a sali pa publico ainda, pero no ta descartc cu mas informacion por bin na lus pronto.
E pregunta cu ta keda den aire awor mes ta pa Minister Croes mes:
- Ba mete cu norm di punto?
- Ba fix pa un alumno por bai over?
- Esaki mag?
- Esaki ta lo corecto?
Tur mirada ta dirigi awor riba minister, na espera cu claridad y transparencia lo wordo duna riba e situacion delicado aki.
