Minister Gerlien Croes (Deporte) y Minister Wendrick Cicilia (Turismo) y Ronella Croes, CEO di ATA, a wordo entrega cu e prome “finisher” medaya di e KLM Aruba Marathon 2025. E medaya a wordo entrega pa sr. Kees van Muiswinkel, Presidente di Foundation Run in the Sun Aruba, como un gesto di gradicimento na e pais Aruba. Esaki a tuma lugar durante un reunion oficial na e oficinanan di gobierno diaberna atardi.
E Foundation Run in the Sun Aruba, funda na 2018 pa promove turismo, coremento y un estilo di bida saludabel riba e isla, ta organisa e Marathon anual di KLM Aruba. E marathon, awor den su di 7 aña, lo tuma lugar diasabra 7 juni y diadomingo 8 juni, y ta casi sold-out.
Sr. Kees van Muiswinkel a informa: “Pa e di 7 edition aki, nos ta entusiasma di por yama bon bini na 2.750 participantenan, cu 844 coredor internacional, hunto cu nan amigonan y famianan, treciendo un total di 1.941 ‘runcation’ turistanan na nos One Happy Island. Nos marathon y e otro distancianan ta cumpli cu e normanan internacional di mas halto, pasobra e ta certifica pa AIMS/World Athletics, y ta accesibel pa tur hende cu varios opcion di distancia. Nos meta ta pa brinda un experencia inolvidabel pa tur participantenan.”
Puntonan importante di e KLM Aruba Marathon 2025:
• Participacion: 2.750 coredornan di 40 pais
• Distancianan: 4 opcion: Marathon, Half Marathon, 10KM, y 5KM
• Premionan:
– Ganadornan overall: e #1, #2 y #3 homber y muhe di tur distancia lo wordo honra riba e podium cu un copa special;
– Kibramento di record: cada coredor (homber of muhe) cu lo kibra e record di Aruba Marathon di 02:44:16 y lo gana e titulo general na 2025 ta ricibi un premio cash di USD 2.500;
– Ganador Arubiano: e homber y muhe di Aruba mas liher den e distancia di marathon lo gana cada uno un pasashi ida y beulta cu KLM pa Amsterdam y participacion garantisa den e Marathon di Amsterdam cu ta sold-out caba.
• Premionan di grupo di edat: medaya lo wordo entrega na e tres miho finalistanan den cada categoria di edat pa tanto hende homber como hende muhe:
Oro– prome luga
Plata– di dos luga
Brons– di tres luga
• Evento inclusivo: bon bini na tanto participantenan internacional como local, homber y muhe
• Extras di careda: numbernan di careda personalisa, registracion di tempo online, T-shirt di evento, medayanan luhoso, hopi stationnan di awa, bebida deportivo y fruta
• Curso bonita: cu e paisahe espectacular di Aruba
• Tecnologia: un App gratis cu ‘Live Track & Trace’ pa tracking di e participantenan den tempo beradero
• Beneficionan adicional: certificado di participante gratis, camisa DRI-Fit opcional, singlet, Pasta Party, y potretnan personal
• Seguridad: un ambiente festivo garantisa mientras cu e seguridad di tur participantenan y publico ta priorisa.
Inscripcion: online na www.klmarubamarathon.com, cu opcionnan di pago disponibel online, via transfer bancario na AWG
E KLM Aruba Marathon ta un careda oficialmente certifica pa e Association of International Marathons and Distance Races (AIMS) y the World Athletic Federation, sigurando su status como un careda di caminda internacional di primera categoria.
Partnernan, Sponsornan y Voluntarionan.
E KLM Aruba Marathon ta posibel danki na e sosten di su partners, sponsors y voluntarionan. Ademas di Aruba Tourism Authority (ATA) y KLM como sponsor titular, sponsornan di distancia specifico ta inclui Cavalier Logistics, Powerade y Hilton Aruba Caribbean Resort. E marathon tambe ta beneficia di un cooperacion hopi aprecia cu IBiSA, Patrishi Sports, Budget Rent a Car, High Performance, DOW, Adidas, Penha, The Red Cross, Imsan, Johnny Cheng (cardioloog), Nieke van Neer (arts-assistant HOH), Jesse Hulst (arts-assistant HOH), Dwight Lopez (CCU-verpleegkundige), Nicole Ling Tsung (CCU-verpleegkundige), Marjan de Jong (ICU-verpleegkundige), Cuerpo policial Aruba (KPA) y diferente otro partnernan.
E organisacion ta desea un y tur un bon preparacion pa nan participacion den e di 7 edicion di KLM Aruba Marathon y ta premira di por traha hunto cu tur e partnernan y voluntarionan pa haci un evento hopi exitoso.
