Minister Glenbert Croes a hiba palabra durante e ceremonia di firmamento entre WEB y EAGLE. Minister Croes a bisa: “E acto aki ta un acto ceremonial di firma entre WEB Aruba nv y Eagle LNG. Pa nos e ta un momento historico na un lugar historico y mi ta kere cu ora bo mira e caminda largo cu a wordo cana den henter esfuersonan di diferente gobiernonan pa introduci un energia mas limpi pa Aruba, finalmente e dia a yega unda e acuerdo aki, pa e proyecto aki dor di Eagle LNG, unda nan ta bay firma, obviamente un gas supply agreement entre WEB Aruba nv y Eagle LNG. Aworaki Eagle LNG ta bay cuminsa e negosacionnan final cu RDA pa loke ta trata e lugar designa pa realisa e facilidad aki pa asina ricibi e LNG como tambe pa distribuye entre otro pa WEB. Di mi banda como minister di Energia mi ta apoya e proyecto aki mirando e historia di diferente esfuersonan cu a wordo hasi den pasado pero tambe si mira full loke ta trata con e proseso aki a cuminza.
Minister Croes a sigui bisa: “Mi mester corigi mi mes den rueda di prensa, ma bisa cu ela cuminsa na aña 2020 pero e ROI process pa refeneria y ROI2 a cuminsa na 2019 y e momento ey minister president tabata minister di energia y henter e proceso a wordo cana unda cu Eagle LNG a sali e compania escogi. A base di esey, awe cu nos ta den e momento histórico aki. Negosacion cu Eagle LNG a cuminsa na maart e aña aki y ma compronde cu e tabata un negosacion tuff y mi kier a felicita Eagle LNG pa nan determinacion pa hunto yega na un acuerdo cu ta un win win entre ambos partido, pa web aruba nv y eagle lng.”
Mi ta sumamente agredecido pa su presencia di mi coleganan presente minister di husticia Rocco Tjon, Minister di finansas Xiomara maduro y Minister di Enseñansa Endy Croes. Mii ta sumamente contento cu boso precencia y ta sumamente contento cu e presencia di e horonable miembro nan di parlamento presente.
Esaki tabata parti di introduccion di Minister Glenbert Croes, pa cu e proyecto aki.
