Recientemente, Minister di Energia Glenbert Croes tabata presente na e presentacion di Aruba Wastewater Sustainable Solution (AWSS) unda a mustra e plannan di e compania estatal pa e mehoramento di RWZI (Rioolwaterzuiveringsinstallatie). Minister Croes tabata tin e oportunidad di duna un discurso, y a inicia esaki gradiciendo e baluartenan, yiunan di tera cu ta traha na RWZI y DOW, y cu apesar di tur reto, a sa di tene RWZI funcionando den e ultimo 52 añanan.
![](https://solodipueblo.com/wp-content/uploads/2024/07/AWSS-GC6-1024x683.jpg)
Tambe Minister Croes a indica cu si mira e potretnan cu tabata tin poni den e sala, no solamente por admira e beyesa di Bubali Plas, sino tambe por a nota e riesgo cu tin, si no a yega na un solucion pa loke ta mehoracion di e planta. E tarea aki, ta un di e misionnan nacional mas grandi y mas importante cu un compania di gobierno ta bay tin, y no lo por ta posibel sin e apoyo di cada trahado.
![](https://solodipueblo.com/wp-content/uploads/2024/07/AWSS-GC1-1024x683.jpg)
“Mi kier bisa danki na Minister Ursell Arends como Minister di Naturalesa y Medio Ambiente, y na e liderasgo di Prome Minister Evelyn Wever-Croes pa semper tin bienestar di nos pais na prome luga. Tambe mi kier gradici tur e profesionalnan, DOW, y tur e stakeholdersnan di sector priva y publico cu tabata presente, pa nan sosten y aporte na e proyecto importante aki.
![](https://solodipueblo.com/wp-content/uploads/2024/07/AWSS-GC2-1024x683.jpg)
Na tur e trahadonan, mi kier desea nan hopi exito pa cu e proyecto aki. Nos tin fe den boso cu boso lo “take care” y brinda Aruba un futuro briyante a traves di AWSS.
![](https://solodipueblo.com/wp-content/uploads/2024/07/AWSS-GC4-1024x683.jpg)
Cu e proyecto aki, nos ta salbando nos turismo y nos medio ambiente pa e comunidad en general y pa tur nos bishitantenan” Minister Croes a expresa.
![](https://solodipueblo.com/wp-content/uploads/2024/07/AWSS-GC5-1024x681.jpg)