Diadomingo atardi cu masha placer Minister Maduro, den nomber di Minister President y Minister Endy Croes, a bay yama bonbini na e Seleccion di Aruba cu a titula Campeon di Little League di e Serie del Caribe, na nan yegada di Corsou.
![](https://solodipueblo.com/wp-content/uploads/2024/07/MinFIC-Seleccion-Little-League-AUA-Campeon-05-1024x683.jpeg)
E mandatario a topa cu e Seleccion di Aruba ora nan a baha di avion pa asina felicita nan y guia nan pa e bunita recepcion cu a sigui pa nan den e hal di airport. Minister Maduro a hiba palabra pa gradici cada un di nan pa nan esfuerso haci y perseverancia demostra pa bira e Campeonnan di Little League di Caribe. E mandatario a gradici e coachnan, famia y tambe RBC cu a sponsor y deposita nan confiansa den e hoben atletanan.
![](https://solodipueblo.com/wp-content/uploads/2024/07/MinFIC-Seleccion-Little-League-AUA-Campeon-04-1024x683.jpeg)
Pa e ocasion importante aki, Minister Maduro hunto cu sr. Rafini di RBC a bisti ful e ekipo cu un bunita medaya ofreci pa Minister di Deporte sr. Endy Croes. Despues di a saca potret oficial, e ekipo a topa cu famia y amigo cu a yega airport pa yama nan bonbini bou di e tononan di brassband. Cu escort di Polis, e Campeonnan di Little League di Caribe a bay haci un recorido pa despues disfruta di un dushi treat pa celebra nan triunfo.
![](https://solodipueblo.com/wp-content/uploads/2024/07/MinFIC-Seleccion-Little-League-AUA-Campeon-10-1024x683.jpeg)
Ta importante pa menciona cu e triunfo aki ta hiba e Seleccion di Little League Aruba proximamente pa representa Caribe den e Little League World Series cu ta tuma na Williamsport na Merca. Minister Maduro ta felicita e Seleccion di Aruba hunto cu nan Coachnan, famia, sponsor y tur persona y instancia cu a yuda pa nan por tabata exitoso. Masha pabien y danki pa saca cara di Aruba. Minister Maduro ta desea e Seleccion hopi exito na Williamsport.
![](https://solodipueblo.com/wp-content/uploads/2024/07/MinFIC-Seleccion-Little-League-AUA-Campeon-11-1024x683.jpeg)
![](https://solodipueblo.com/wp-content/uploads/2024/07/MinFIC-Seleccion-Little-League-AUA-Campeon-09-1024x683.jpeg)
![](https://solodipueblo.com/wp-content/uploads/2024/07/MinFIC-Seleccion-Little-League-AUA-Campeon-08-1024x683.jpeg)
![](https://solodipueblo.com/wp-content/uploads/2024/07/MinFIC-Seleccion-Little-League-AUA-Campeon-07-683x1024.jpeg)
![](https://solodipueblo.com/wp-content/uploads/2024/07/MinFIC-Seleccion-Little-League-AUA-Campeon-06-1024x683.jpeg)
![](https://solodipueblo.com/wp-content/uploads/2024/07/MinFIC-Seleccion-Little-League-AUA-Campeon-13-1024x683.jpeg)