Dialuna atardi, Prome Minister di Aruba a bisa cu el’a tuma nota di varios atake y menasa den su direccion tanto dialuna mes como tambe den fin di siman dor di otro individuo. Manera ta conoce diasabra anochi, Micheal Williams a lansa un cantidad di menasanan serio contra Promer Minister despues cu su yiu Nigel a keda deteni, pero tambe contra di henter Ministerio Publico.
Minister presidente a bisa: “Mi ta expresa mi lamento pe forma con nos ta hiba cierto debate den comunidad. Awe den e programa cu Marko ta representa ( Andrade & Paskel) tabatin atake hopi falso, hopi baho y tambe dor di otro individuo. Claro, Lo mi bay entrega keho contra tur esnan cu ta cu ta kere cu por atakami, insultami y acusami falsamente di cosnan ilicito cu no ta berdad. No ta pa miedo, pero ta pa pone un punto final tras di e cosnan aki.
Nos kier un Aruba, ora prensa bisa un cos, hende por kere, y no cu hende mester bay pensa ta ki wega politico ta wordo hunga.
Naturalmente mi ta bay entrega keho, pasobra e ta necesario, y no pa miedo. Mi slogan ta cu mi ta pone Dios dilanti tur cos y mi no ta teme e hendenan aki“
