Den un entrevista cu Minister Ursel Arends a haci na Radio TOP 95 diahuebs merdia, e minister a bisa cu el’a tuma nota di personanan cu traha den e sector di limpiesa, y tambe trahadornan di departamento di gobierno, kendenan tabata bisa cu nan no ta na altura cu dump lo bay cera.
Segun Minister Arends, cu desde 22 febuari el’a anuncia esaki y dia 22 decemeber a suministra informacion riba e maneho nobo. E noticia mester por a yega. Kisas no ta tur hende ta informa nan mes of sigui noticia. Pero awor lo bay pone mas enfasis den forma agresivo pa informa comunidad.
SOLO DI PUEBLO por compronde cu Minister Arends y su ministerio lo bay traha cu nan departamento di PR team, pa asina por percura pa e informacion yega cerca tur hende y pa tur hende wordo informa di e cambionan.
