Recientemente a surgi un intercambio entre e periodista Dilma Arends y Minister di Ursell Arends, despues cu Dilma a publica informacion sin base. Segun e periodista, ademas cu e turistanan mester paga $20 pa drenta Aruba pa e planta di tratamiento di awa sushi (RWZI), e residentenan local mester paga un suma adicional pa tratamiento di awa entre 100 cu 200 florin. Segun Dilma cu su fuentenan ta confiabel, pero no a presenta ningun prueba pa sostene su noticia.
Riba e mes noticia di Dilma, Minister Arends a drenta y desmentí esaki, splicando cu 80% di e operashon di RWZI ta finansia pa secror turistico, liberando cuidadano local di tal gasto.
E minister tambe a indica cu ningun compania di chica pos no ta paga ningun cen pa procesa awa sushi.
Minister Arends a invita Dilma pa busca informashon di fuente oficial, algo cu no a pasa ainda.
E minister a comenta: “Bon tardi Dilma, Te cu nos conocemento esaki absolutamente no ta berdad. For di datos, 80% di e RWZI ta bini di sector turistico dus juist pa evita cu e casnan ta paga a scohe pa e turista page. Tambe ta bon pa menciona RWZI no ta cobra e companianan pa procesa e awa sushi cu nan ta trece, na niun di e RWZI nan. Si Dilma ta desea di comparti e base di e rumor aki por contacta directamente. Feliz atardi.”
E caso aki ta enfatiza e importancia di un periodismo cu ta basa riba hecho y no rumor, evitando mal informacion den comunidad cu hasta por wordo yama instigacion innecesario.
Cu Dilma ta usa un rapport, cu por a sugeri varios forma pa hasi cobransa, no nifica cu esey a wordo aproba y ni tampoco cu e ta riba mesa, unabes cu a opta pa cobra turista y libra localnan di e gasto aki.
