Recientemente, un revocacion di e prohibicion total di transferencia di permiso di taxi a tuma luga. E prome decision “ministeriële beschikking”, cu a tuma efecto pa prome di september 2024, a impone un prohibicion general di traspaso di permiso di taxi pa prevení abuso y fraude den e sistema.
Sinembargo, e ministeriële beschikking di 29 augustus 2024 a revoca e prohibicion total. E maneho nobo ta introduci e posibilidad di traspaso bao condicion specifico, riba base di evaluacion di cada situacion individual di e taxista.
E revocacion di e prohibicion total ta un paso importante pa adapta e sistema di permiso di taxi. Ta garantisa un balance entre transparencia y oportunidad. E maneho nobo ta traha pa resolve e problema di escases di permiso y promove un sistema mas husto pa tur.
Cu e decision nobo aki, e minister di Transport, Integridad, Naturalesa y Adulto Mayor, ta confirma di a scucha e taxistanan debidamente y a tene cuenta cu nan interesnan.
Mas detaye tocante e maneho nobo nos lo publica den proximo edicion.
Cu e revocacion aki, por tin trankilidad bek cerca e taxistanan, kendenan a logra trece cambio, den maneho di traspaso. E taxistanan mester sinti nan mes alivia awo y nan mester sa tambe cu no por bende e permiso di taxi. Por pase si pa famia, pa cual un comision lo evalua cada peticion.
