E concurso di beyesa di Miss Universo a biba un anochi historico door di selecciona Sheynnis Alondra Palacios, di Nicaragua, como ganadora.
Pa prome biaha den historia di Miss Universo, un representante di Nicaragua ta gana e concurso. E aña aki 2023, Sheynnis Alondra Palacios Cornejo, di 23 aña, ta keda corona como e gran triunfador di e anochi. Na di dos lugar ta Moraya Wilson, di 22 aña, representante di Australia y na di tres lugar ta Anntonia Porsild, di 27 aña, representante di Thailandia.
Durante e anochi, e concursantenan a duna visibilidad na temanan di actualidad, manera salud mental, migracion y derechonan di e desplazadonan, maltrato infantil y juvenil, derechonan infantil, promove adopcion di menornan, empoderamento femenino, consciencia di acoso escolar, defende inclusion di diferente curpa, haci consciencia di cancer di pecho, evita embarazo infantil, defende derechonan di comunidad trans y duna visibilidad na comunidadnan minoritario.
E ganadora a keda reconoci cu e corona Force of Good. E ta un joya di diseño espectacular, cu anteriormente a wordo bisti cu orguyo pa e ganadora di Miss Universo 2022, e mericano R’Bonney Gabriel. E corona ta balora na 5.3 miyon dollar, cu su prijs na e tipo di cambio actual lo ta 9 miyon florin. E ta e corona di Miss Universo 2023 mas caro te na e momento aki. E corona anterior tabata conosi como power of Unity.
Ken Ta Sheynnis Alondra Palacios?
E ganadora di Miss Universo 2023 ta Sheynnis Alondra Palacios Cornejo, a nase na Managua, Nicaragua, dia 30 di mei di 2000, y e tin 23 aña.
E mucha muher ta mide 1.80 m, ta un modelo y promotora comunitario. Sheynnis a studia Comunicacion y na comienso di e aña aki el a integra den e team di e revista “Al Día”. Na mes momento, e ta guia e segmento “Entiende tu mente”, unda e ta trata temanan di salud emocional, maneho di ansiedad y e importancia di amor propio.
Ken a escoge e ganadora?
E comite di seleccion tabata consisti di 10 hues y hues, cu lo eligi e siguiente candidata cu ta corona: Carson Kressley, presentador Y diseñador; Halima Aden, Miss Minnesota USA 2016; Avani Gregg, gimnasta, bailarina, actriz y tiktoker mericano; Mario Bautista, cantante mexicano; Iris Mittenaere, ganadora Di Miss Universo 2016; Eleanor Concepcion ‘Connie’ Mariano, prome filipino-mericano pa alcansa e rango di rear admiral den marina mericano. DENISE White, Miss USA 1994; Sweta Patel, vicepresidente di Growth Marketing & Merchandising Na Roku Janelle Commissiong, Miss Universo 1977 , y Giselle Blondet, acrris y escritora.
