Riba diamars mainta, personal di Parke Nacional Arikok a encontra mita curpa labando na superficie di Boca Turtuga.
Posiblemente ta otro victima mas di e boto cu a bolter y cu por tabatin entre 13 cu 17 persona abordo.
Informe cu Solo di Pueblo tin ta bisa cu te cu ayera a haya 6 curpa y agregando esun di awe ta bira e di 7 curpa.
Kustwacht no a emiti ainda un comunicado oficial.
E noticianan aki ta wordo sigui cu hopi dolor y conmocion tanto na Venezuela y na Aruba pa famianan y amistadnan.
