Diamars atardi a culmina un reunion den parlamento unda Partido AVP y Rycond kier a baha prome minister di Aruba, via un mocion di desconfiansa.
Nan a calcula cu nan lo por haya sosten di Partido Raiz, pero esey tabata un calculo robes. Ora di votacion, tabatin 20 persona den parlamento. Arthur Dowers cu lo tabata essential su precencia pa forma 11, no tabata presente y parce cu el’a subi KLM y viaha pa Hulanda.
Pues, hipoteticamente si nan a logra convence un miembro di parlamento, lo toch e mocion no a pasa, pasobra Dowers no tabata tey.
11 voto a rechasa e mocion mientras 9 a sostene.
Dje forma aki tambe e delirio pa baha gobierno a termina. Mas cu logico cu AVP tabata busca tur forma pa logra un kiebro, pasobra te ainda AVP no por accepta e derota cu nan a haya den eleccion.
