Weganan di round di 16 a continua diamars mainta, prome wega tabata entre un bez campeon mundial Spaña y ekipo revelacion di mundial 2022 Morocco.
Morocco ta bin di gana grupo F mientras cu Spaña a keda na di dos lugar di grupo E.
Hopi ta specula cu Spaña a lanta pia contra di Japan pa enfrenta Morocco cu nan a pensa cu ta un rival mas facil y tambe pa asina elimina Alemania for di e torneo.
Sinembargo e wega aki Spaña ningun momento a mustra comodo riba tereno mientras cu Morocco tabata hungando mihor, pero no a logra yega na e gol.
Ningun di dos ekipo a logra anota gol den tempo regular y tampoco den tempo extra y asina e wega a pasa pa tironan for di punto penal pa defini un ganador.
Aki e heroe a resulta di ta keeper Bono cu a detene tur tironan penal di Spaña y asina gana e tanda di penal cu score di 3-0 y asina elimina Spaña for di Copa Mundial 2022.
Pa prome biaha den historia cu Morocco ta clasifica pa cuart final.
