Motociclista a lubida riba “verkeers plateau” riba caminda y a perde control dal riba muraya. Den fin di siman a drenta informe di un accidente cu hende herida dilanti Maria College, mesora a dirigi tanto polis como ambulans na e sitio. Na yegada di e patruya a bin compronde cu e motociclista no a paga tino cu tin un drempel “verkeers plateau” riba caminda y a pone perde control y a bay dal riba e muraya di e school. Na yegada di e ambulans nan a atende e motociclista herida cu a haya sla un banda di su pia y a transporte pa hospital.
