Diaranson atardi rond di 5’or a sosode un accidente ariba e rotonde di Piedra Plat. Esaki tawata entre un Scooter y un auto.
Polis cu a yega rapidamente na e sitio a haya e motociclista ariba kehando di dolor, e la splica polis unda e tin dolor.
Mientrastanto mester a avisa ambulance, mirando cu e persona ta herida.
E accidente a sosode pa falta di no duna preferencia na e Scooter. Un señora na stuur di e Yaris pa un of otro motibo a subi e rotonde y dal e Scooter.
Na yegada di ambulance e Paramediconan a cuminsa atende e herido y despues a sali direccion Hospitaal.
Polis di trafico tambe tawata presenta pa por a tuma tur dato.
