Dialuna anochi rond di 10’or polis lo a sigui of miho bisa persigui un grupo di brommer.
E incidente probablemente a cuminsa altura di Linear Park, unda cu polis motorisa a spot un grupo di brommer cu lo no tawata comportando den trafico.
Pa evita cu polis lo bay papia cu nan of algo otro te kita e brommer for di nan, nan a opta bay aleha di e sitio cu velocidad halto direccion Renaissance.
Un di nan, a hay’e confronta cu un Mitsubishi Lancer cu a bay bira su dilanti pa drenta e parkeerplaats plaat di Douane Kantoor bieu.
Polisnan cu tawata cerca, mesora a pidi pa un ambulance debi cu e motociclista lo a haya basta golpi. Por a mira si cu e motociclista tawata tin helm bista, locual cu a evita lo peor.
Paramediconan a presenta y despues di haci algun preparacion a lanta e cabayero y transporte pa Hospitaal.
Polis di trafico a presenta y a haci su parti. E brommer a wordo confisca pa investigacion, mirando cu tin basta ladronicia di e brommer nan aki ultimamente.
