Diasabra algo prome cu mey anochi polis mester a bay poco pabou di Elmar na Hato, unda cu un Chevrolet Spark blauw a cay den e greppel.
Na yegada polis ta constanta tambe cu un poco mas pabou e mesun auto a ranca un palo di luz completamente y despues a bay cay den e greppel.
Den e auto tawata tin un pareha, y mesor polis a constata cu ambos tawata pata pata, papiando yen cos bruha.
No a keda nada otro di pidi un transportwagen pa hiba ambos warda di polis pa nan “sosega”.
E fastios ta ora cu nan “bin bek” na tino e gastonan cu ta warda nan y cu un auto kibra benta na Hato.
