Recientemente den e prestigioso Cas di Cultura Aruba, a tuma luga e presentacion di e exitoso musical titula: Jelly e Elf Gigante, presenta pa e Grupo Muchanan Sabi y Harmonix. Un Producccion General na encargo di Edselyn Figaroa, kende tambe ta e autora y compositor di tur tema di e temanan musical. E Director General y artistico tabata na encargo di e maestro Sr Jhon Fredddy Montoya, como aporte di Departamento di Cultura Aruba (DCA) y cu coreografia di e maestra Marisol Peña y produccion tecnico musical na encargo di Francis Tromp, Juan Labarca, Hubert Thiel.
E musical aki ta conta e storia di Jelly e Elf Gigante cu ta regresa na su cas despues cu e la haya sa cu e ta un humano y e ta descubri e dolor cu su famia ta pasando y cu sosten di Santa, e ta yuda su famia cu ta tur kibra, pa uni bek y pa nan mes por duna e balor na e temporada y reconoce e berdadero nificacion di Pasco cu ta resumi den acepta Cristo Hesus nace y biba den nos curason.
Nos ta manda un palabra di felicitacion na tur mucha, hoben y naturalmente na tur mayor pa nan dedicacion y nan tremendo cooperacion y naturalmente na tur sponser y persona cu a contribui grandemente pa garantisa e exito di e mas reciente produccion di e gruo Muchanan Sabi y Harmonix.
Den e mesun rosea nos ta gradici tur hende pa e confiansa y ta desea henter e pueblo di Aruba, un Bon Pasco y Feliz aña nobo, cu Dios por drama su bendicion riba cada un di nos, proteha nos pida baranca y ilumina nos caminda, tur mucha, hoben y hende grandi y e talento y bondad di tur nos hendenan.
