Ministerio Publico a confirma na Solo di Pueblo, cu muy pronto e caso lo tuma lugar atrobe contra Speed Andrade, relaciona cu caso New York, unda su persona a wordo haya culpabel di a corumpi un otro polis.
Den e prome caso, el’a haya un aña di prison, sinembargo fiscal no ta kere cu esaki ta corecto y ta persisti pe wordo castiga cu dos aña di prison.
Aki ta trata di un caso serio, unda mas di 30 mil mensahe di polis a wordo intercepta unda Andrade tabata paga un polis pa conecta laptop pa asina e por scucha tur conversacion.
E polis tambe a wordo sentencia. Pero pa Andrade esaki ta mas pisa, pasobra ta di dos polis cu e ta soborna.
Den gang di polis por a scucha cu e storia no a caba y cu Andrade keto bay ta sigui scucha conversacion di polis. No por descarta cu lo tin investigacion nobo cu lo habri den su contra.
